کراچی: ہم ٹی وی اس بار بھی اپنے ناظرین کے لیےعید الفطر کے تینوں روز خصوصی نشریات پیش کرے گا۔
عیدالفطر پر ہم ٹی وی پر ناظرین کے لیے ہر صبح ’جاگو پاکستان جاگو‘ میں شرارت بھرے کردار اور مستی بھری کہانیاں دکھائی جائیں گی۔
اس کے علاوہ ہم ٹی وی پر دن بھررنگوں سے بھر پور ٹیلی فلمز چلیں گی جن میں ’بینڈ تو بجے گا‘، ’بریک اپ کے بعد‘، ’گلاس توڑا بارہ آنا‘ اور ’دل دیاں گلاں‘ شامل ہیں۔
چھوٹی عید کو خاص بنانے کے لیے بلاک بسٹر فلمیں ’انگلش ونگلش‘، ’ہندی میڈیم‘ اور ’چھپن چھپائی‘ بھی ٹیلی کاسٹ کی جائیں گی۔
گلمیر سے بھری سب سے بڑی شام میں ’کیوموبائل اسٹائل ایوارڈز‘ کے دوران شوبز کی دنیا کے ستاروں سے ملاقات ہو گی۔
مسکراہٹوں کی دکان سجانے کے لیے یاسر حسین ’دی آفٹرمون شو‘ میں دانش تیمور اور عائزہ خان کو دعوت دیں گے۔
Get ready for to watch Yasir Hussain having a great time with this couple (Danish Taimoor & Aiza Khan) on the sets of The Aftermoon Show with Yasir.#TAMS #EidSpecial #ComingSoon pic.twitter.com/ZX4qEoymez
— The Aftermoon Show (@TAMS_HUMTV) June 12, 2018
ہم ٹی وی کی جانب سے تمام شائقین کو عید پرارسل اوراجیا کی شادی میں مدعو کیا جائے گا۔ ’سنو چندا‘ کے پرستاروں کو بے صبری سے اس شادی کا انتظار ہے۔
اسپیشل ٹرانسمیشن میں رنگا رنگ پروگرام سے سجی میٹھی ’عید تو اب ہم منائیں گے‘ صرف ہم ٹی وی کے سنگ ۔