اسلام آباد: متحدہ عرب امارات میں شوال کا چاند نظر آگیا ہے اور عیدالفطر جمعہ کے روز منائی جائے گی۔
انٹرنیشنل اسٹرونومی سنٹر نے جمعرات کو اعلان کیا کہ جبل حفیظ العین میں شوال کا چاند نظر آ گیا ہے تاہم چاند دیکھنے والی کمیٹی مغرب کے بعد اس حوالے سے حتمی فیصلہ کرے گی۔
عرب میڈیا کے مطابق امارات کے شہر العین کی پہاڑی حفیت پر فلکیاتی تکنیک آسٹروفوٹوگرافی کے ذریعے دوپہر ایک بج کر 53 منٹ پر چاند کو تلاش کرلیا گیا، چاند 03:43 تک دیکھا گیا۔
تحسن في رؤية هلال شهر شوال من قبل فريق الرصد من على قمة جبل حفيت في مدينة العين. الصورة يوم الخميس 14 يونيو 2018م الساعة 05:15 عصرا بتوقيت الإمارات. pic.twitter.com/pLmAPtjUeo
— مركز الفلك الدولي (@AstronomyCenter) June 14, 2018
متحدہ عرب امارات کی حکومت نے اعلان کیا ہے کہ اگر عید جمعہ کے روز ہوئی تو سرکاری ملازمین اتوار 17 جون تک جبکہ پرائیوٹ سیکٹر میں کام کرنے والے ملازمین جمعہ اور ہفتہ کو عید کی چھٹی منائیں گے۔
اطلاعات کے مطابق ترکی، انڈونیشیا اور ملائشیا میں بھی عید الفطر کا چاند نظر آ گیا ہے جبکہ آسٹریلیا اور نیوزی لینڈ میں شوال کا چاند نظر نہیں آیا۔
