راولپنڈی: عیدالفطر کے موقع پر پاک فوج کے سربراہ جنرل قمر جاوید باجوہ نے اہل وطن کو عید کی مبارک باد دی ہے۔
پاک فوج کے شعبہ تعلقات عامہ (آئی ایس پی آر) کے مطابق چیف آف آرمی سٹاف نے کہا ہے کہ ملک میں پھیلی خوشیاں اور پرامن ماحول ہمارے شہدا اور غازیوں کی مرہون منت ہیں، ہم اپنے شہدا اور غازیوں کو سلام پیش کرتے ہیں، انہوں نے اپنے پیغام میں دعا کی ہے کہ اللہ تعالیٰ پاکستان پر اپنی رحمتیں ہمیشہ قائم ودائم رکھے۔
Armed Forces of Pakistan, CJCSC and Services Chiefs wish a very happy Eid to fellow Pakistanis.
“We owe this festivity in a peaceful environment to all our Martyrs & Ghazis. Salute to them. May Allah continue His blessings upon Pakistan. Amen”, COAS.— Maj Gen Asif Ghafoor (@OfficialDGISPR) June 15, 2018
چیئرمین جوائنٹ چیفس آف اسٹاف کمیٹی جنرل زبیرمحمود حیات اور تمام سروسز چیفس نے بھی قوم کو عید کی مبارک باد دی ہے۔
جمعرات کو پاکستان میں چاند نظر نہیں آیا تھا جس کے بعد رویت ہلال کمیٹی کے چیئرمین نے اعلان کیا تھا کہ عیدالفطر ہفتے کے روز ہو گی، اس موقع پر وفاقی اور صوبائی نگراں حکومتوں نے سیکیورٹی کے سخت اقدامات کا اعلان کیا ہے۔
