لندن: سابق وزیراعظم نوازشریف کی صاحبزادی مریم نواز کا کہنا ہے کہ نوازشریف کے لیے یہ سب نیا نہیں، وہ پہلے بھی نااہلی، عمرقید، جیل اور جلاوطنی بھگت چکے ہیں۔
مسلم لیگ ن کے شیرو یاد رکھنا!فیصلہ جوبھی آئے گھبرانا نہیں!آپکے نواز شریف کے لیے یہ سب نیا نہیں۔وہ پہلےبھی نااہلی عمر قیدجیل جلاوطنی بھگت چکے
— Maryam Nawaz Sharif (@MaryamNSharif) July 6, 2018
سماجی رابطے کی سائٹ پر اپنی ٹویٹ کے ذریعے انہوں نے مسلم لیگ نون کے کارکنوں کو پیغام دیا ہے کہ جو بھی فیصلہ آئے، گھبرانا نہیں، انہوں نے کہا کہ سازشیوں اور مہروں کے چہرے 25 جولائی کو یاد رکھیں، فتح نواز شریف کی منتظر ہے، ابھی نہیں تو کبھی نہیں۔
مریم نواز نے کہا کہ نوازشریف نے جانتے ہوئے یہی راستہ چنا اور بھاری قیمت چکائی، خوشی کی بات ہے کوئی لیڈر ہے جو آپ کی خاطر کھڑا ہے، مشکل حالات کے باوجود یہ قوتیں اس کو جھکانے میں ناکام رہیں۔
خوشی کی بات یہ ہے کہ کوئی لیڈر ہے جو آپ کی خاطر،وطن عزیز کی خاطر، آپ کے ووٹ کی عزت کی خاطر ڈٹ کر کھڑا ہے اور کوئی بھی قربانی دینے کو تیار ہے
— Maryam Nawaz Sharif (@MaryamNSharif) July 6, 2018
ایک اور ٹویٹ میں انہوں نے کہا کہ پاکستان میں آئین، قانون اور جمہوریت کی بالادستی چاہنے والا ہر شخص نوازشریف ہے، یہ وہ جنگ ہے جس میں ہار ہے ہی نہیں۔
