اسلام آباد: پاکستان تحریک انصاف کے چیئرمین عمران خان کو الیکشن 2018 میں بھاری اکثریت حاصل کرنے پر مبارک باد کے پیغامات ملنے کا سلسلہ جاری ہے۔
پاکستانی کرکٹ ٹیم کے کپتان سرفراز احمد، سابق کپتان شاہد خان آفریدی، محمد حفیظ، احمد شہزاد، وسیم اکرم اور اظہرعلی سمیت بھارتی کرکٹرز کی جانب سے بھی مبارکباد پیش کی گئی ہے۔
پاکستان کرکٹ ٹیم کے کپتان سرفراز احمد کا کہنا ہے کہ عظیم کرکٹر کی قیادت میں پاکستان ترقی کا سفر طے کرے گا کیونکہ عمران خان نے پاکستان کرکٹ کو بھی بلندی پر پہنچایا۔
سابق فاسٹ باؤلر وسیم اکرم نے کہا کہ وزیر اعظم بننے کے بعد بھی عمران خان کو کپتان ہی کہوں گا، انہوں نے عمران خان سے ملاقات کی اور مبارک باد کا پیغام دیا۔
اظہر علی نے بھی کپتان کو مبارک باد دیتے ہوئے کہا کہ انہیں 22 سال کی محنت کے بعد موقع ملا ہے، دعا ہے کہ وہ قوم سے کیے گئے وعدے پورے کر سکیں۔
سابق کپتان شاہد آفریدی نے اپنے ٹویٹر پیغام میں عمران خان کو مبارک باد دی اور لکھا کہ پاکستانی قوم کی امیدیں اب آپ سے وابستہ ہیں اور مجھے بھی امید ہے کہ آپ بھرپور قیادت کریں گے، شاہد آفریدی نے میڈیا اور حریف جماعتوں سے انتخابی نتائج تسلیم کرنے کی بھی درخواست کی۔
Congrat PTI and @ImranKhanPTI on a truly historic victory! The 22 yr old struggle has finally paid off & deservedly. Pakistanis have a lot of expectations from u I really hope u lead from the front! I request all opposing parties& media to accept the result and help rebuild ??
— Shahid Afridi (@SAfridiOfficial) 26 July 2018
اسی طرح محمد حفیظ نے بھی اپنے ایک ٹویٹ میں لکھا ہے کہ آپ نے کرپشن کے خلاف طویل جدوجہد کی اور بنے گا نیا پاکستان۔
Ma Shaa Allah @ImranKhanPTI U done it once again ??, Long Marathon Struggle against corruption ✅, A man of Strong Believe , #GREATLEADER #IRONMAN ?????????, Banay Ga Naya Pakistan ??, IN SHAA ALLAH ,
— Mohammad Hafeez (@MHafeez22) 26 July 2018
احمد شہزاد نے بھی اپنے ٹویٹ میں عمران خان کی کوششوں کی تعریف کی اور لکھا کہ آج دنیا کے سامنے نئے پاکستان کا خواب پورا ہوگا۔
22 years of struggle, relentless efforts, dedication & single minded pursuit for a cause finally pays off. #Congrats @ImranKhanPTI Bhai. V finally have a leader v can proudly look up to for leading us in global arena. #NayaPakistan from dream to finally a reality In Sha Allah pic.twitter.com/gnPdJvtk5T
— Ahmad Shahzad ?? (@iamAhmadshahzad) 25 July 2018
سابق بھارتی کرکٹ ٹیم کے کپتان کپل دیو نے بھی عمران خان کو مبارک دیتے ہوئے کہا کہ سب سے پہلے تو میں عمران خان کو اس بڑی کامیابی پر مبارک باد دوں گا لیکن یہ بہت بڑی ذمے داری بھی ہے۔
انہوں نے کہا کہ ورلڈ کپ جیتنا اور قوم کی سربراہی کرنا دو الگ الگ چیزیں ہیں لیکن عمران ایک پیدائشی رہنما ہے اور مجھے امید ہے کہ وہ اپنے ملک کی بھر پور مدد کرے گا۔