واشنگٹن: امریکی صدر ڈونلڈ ٹرمپ نے رجب طیب ایردوان سے مطالبہ کیا ہے کہ پادری اینڈریوبرنسن کو فوری رہا کیا جائے بصورت دیگر ترکی پر مزید پابندیاں عائد کی جا سکتی ہیں۔
صدر ٹرمپ نے اپنی ایک ٹوئٹ میں کہا ہے امریکہ عظیم مسیحی پاسٹر انیڈریو برونسن کی طویل مدت کی قید پر ترکی کے خلاف وسیع تر پابندیاں لگائے گا۔
The United States will impose large sanctions on Turkey for their long time detainment of Pastor Andrew Brunson, a great Christian, family man and wonderful human being. He is suffering greatly. This innocent man of faith should be released immediately!
— Donald J. Trump (@realDonaldTrump) July 26, 2018
ان کا کہنا تھا کہ وہ بڑی مشکلات کا سامنا کر رہے ہیں لہذا اس معصوم مذہبی شخصیت کو فوری طور پر رہا کیا جائے۔
امریکی صدر کی جانب سے دھمکی کے جواب میں ترک وزیرخارجہ چاوش اولو نے کہا ہے کہ ترکی کوکوئی ڈکٹیٹ نہیں کرواسکتا ہے اور ہم اس قسم کی دہمکیوں کو ہرگز قبول نہیں کریں گے۔ انہوں نے واضح کیا کہ سب کو قوانین کی پابندی کرنے کی ضرورت ہے۔
امریکی پادری اینڈریوبرنسن کو دہشت گردوں کی معاونت کے الزام میں گرفتار کیا گیا ہے اورعدالت نے انہیں 21 ماہ تک نظر بند رکھنے کا فیصلہ سنایا ہے۔
پادری اینڈریوبرنسن صحت کی خرابی کے سبب گھر میں نظر بند ہیں۔
