نیویارک: امریکی صدر ڈونلڈ ٹرمپ نے کہا ہے کہ ایران پر پابندیاں باضابطہ نافذ ہو گئی ہیں۔
ٹرمپ کی جانب سے سوشل میڈیا ویب سائٹ پر کیے گئے ٹویٹ میں براہ راست کہا گیا ہے کہ ایران پرعائد کی گئی پابندیاں اب باضابطہ طور پر نافذ ہو چکی ہیں۔
The Iran sanctions have officially been cast. These are the most biting sanctions ever imposed, and in November they ratchet up to yet another level. Anyone doing business with Iran will NOT be doing business with the United States. I am asking for WORLD PEACE, nothing less!
— Donald J. Trump (@realDonaldTrump) August 7, 2018
ٹرمپ نے ٹوٹ میں یہ بھی لکھا ہے کہ رواں برس نومبر سے ایران پر لگائی گئی پابندیوں میں مزید سختی لائی جائے گی جن کے تحت کسی امریکی شہری کو ایران کے ساتھ کاروبار کرنے کی اجازت نہیں ہو گی۔
امریکی صدر نے ٹویٹ میں لکھا کہ وہ دنیا میں امن کے خواہاں ہیں، اس لیے دنیا کے امن کی بات کر رہے ہیں کیونکہ ان پابندیوں کا مقصد دنیا کو تباہی سے بچانا ہے اور کوئی مقصد نہیں۔
سابق امریکی صدر بارک اوباما، دنیا کی بڑی طاقتوں اور ایران کے درمیان ایٹمی ہتھیار نہ بنانے اور یورینیم کی افزدوگی کے حوالے سے برسوں بعد ایک معاہدہ طے پایا تھا تاہم ٹرمپ حکومت نے اقتدار میں آتے ہی ناصرف اس معاہدے کو ختم کر دیا بلکہ ایران پر نئی پابندیاں بھی عائد کردیں جس کے باعث دونوں ممالک کے بہتری کی جانب جاتے ہوئے تعلقات ایک بار پھر کشیدگی کا شکار ہو گئے۔
عالمی مبصرین کی جانب سے اس خدشے کا اظہارکیا جا رہا ہے کہ امریکی صدر ڈونالڈ ٹرمپ کے اس نئے ٹویٹ کا سخت ردعمل آ سکتا ہے۔