اسلام آباد: اداکارہ اور ماڈل حمیمہ ملک بھی ہراسگی کی شکایات لے کر منظر عام پر آنے والے ’می ٹو‘ سلسلہ کا حصہ بن گئی ہیں۔ اداکارہ نے اپنے ٹوئٹر پیغام میں دعویٰ کیا ہے کہ انہیں لاہور کے نجی ہوٹل میں رہائش کے دوران ایک شخص نے ہراساں کرنے کی کوشش کی۔
حمیمہ ملک نے اپنے ٹوئٹ میں ہوٹل میں ٹھہرے ہوئے شخص کی جانب سے واٹس ایپ پر بھیجے گئے پیغامات کے ’اسکرین شاٹ‘ شیئر کرتے ہوئے کہا کہ یہ پیغامات (میسیجز) انہیں ہراساں کرنے کا ثبوت ہیں۔
Evidence of the harassment I had to endure at Nishat Hotel. Be aware if you lose a loved one and someone dies in your family while staying at Nishat – you cannot cry in your room otherwise people might drop business cards pic.twitter.com/tF5R0iynJW
— HUMAIMA MALICK (@HumaimaMalick) August 8, 2018
حمیمہ ملک نے الزام عائد کیا ہے کہ ہوٹل انتظامیہ نے ان کی پرائیویسی کا کوئی خیال نہیں رکھا ۔
ٹوئٹ پیغامات کے اسکرین شاٹ سے اندازہ ہوتا ہے کہ نامعلوم شخص انہیں کمرے سے باہر آکرملنے کا کہہ رہا ہے۔
I am sharing my experience because I think its high time when i should come forward and share my experience against harassment and how an educated class also chose to ignore it and take such important issues lightly @TheNishatHotel pic.twitter.com/OtRwJ5EQXD
— HUMAIMA MALICK (@HumaimaMalick) August 8, 2018
پیغامات سے اندازہ ہوتا ہے کہ وہ کوئِ کاروباری شخص ہے اور وہ اپنے کسی برانڈ کو متعارف کرانے کے حوالے سے حمیمہ کے ساتھ گفتگو کرنا چاہتا تھا۔
ہالی ووڈ فلم پروڈیوسر ہاروی وائنسٹن کے خلاف 18 اداکارواؤں و خواتین نے جنسی طورپر ہراساں کرنے کا الزام عائد کیا تھا۔ پانچ خواتین ایسی بھی تھیں جنہوں نے ’زیادتی‘ کے الزامات بھی عائد کیے تھے جس کے بعد سماجی رابطوں کی ویب سائٹ (سوشل میڈیا) پر ’می ٹو‘ مہم باقاعدہ تحریک کی شکل اختیارکرگئی۔
’می ٹو‘ مہم کا آغاز 2006 میں ’تارانا برک‘ نے کیا تھا جو ’افریکن امریکن‘ سماجی کارکن تھی۔ اس کا مقصد خواتین کے خلاف جنسی زیادتی، انہیں ہراساں کرنے اور تشدد کا نشانہ بنانے جیسے مظالم کے خلاف آواز بلند کرنا تھا۔
تارانا برک نے یہ ٹوئٹ 13 سال کی بچی سے متاثر ہوکر کی تھی جو زیادتی کا نشانہ بنی تھی لیکن اس مہم کوعروج ’ایلسا ملانو‘ سے ملا جو ایک امریکی اداکارہ ہے۔ اس نے ’می ٹو‘ کو باقاعدہ ’ٹرینڈ‘ بنادیا۔
مؤقر امریکی میگزین ’ٹائمز میگزین‘ نے ’می ٹو‘ کے ٹرینڈ کو متعارف کرانے والے افراد کو دسمبر 2017 میں سال کے بااثر لوگوں میں شامل کیا۔