اسلام آباد: چیئرمین پاکستان تحریک انصاف عمران خان نے ترک صدر کے لیے خیر سگالی کا پیغام دیا ہے۔
عمران خان نے سماجی رابطے کی ویب سائٹ ٹوئٹر پر اپنے ٹویٹ میں لکھا ہے کہ وہ ترک صدر رجب طیب اردوان اور ترک عوام کو یقین دلانا چاہتے ہیں کہ ان کی اور پاکستانی قوم کی دعائیں ترکی کے ساتھ ہیں۔
میں جناب اردگان اور ترک عوام کو یقین دلانا چاہتا ہوں کہ میری اور میری قوم کی دعائیں انکے ساتھ ہیں۔ہمیں قوی یقین ہے کہ ترکی درپیش سنگین اقتصادی بحران سے بھی کامیابی سے نمٹ لے گا کیونکہ تاریخ شاہد ہے کہ ترکوں نے ہمیشہ مشکلات کو للکارا ہے اور ہر آزمائش میں سے سرخرو ہوکر نکلے ہیں۔
— Imran Khan (@ImranKhanPTI) August 14, 2018
انہوں نے لکھا ہے کہ ترکی موجودہ اقتصادی بحران سے کامیاب سے نمٹے گا کیونکہ تاریخ گواہ ہے کہ ترکوں نے ہمیشہ مشکلات کو للکارا ہے اور ہر آزمائش پر پورا اترے ہیں۔
On behalf of the people of Pakistan & myself, I want to let President Erdogan & the people of Turkey know we are praying for their success in dealing with the severe economic challenges confronting them, as they have always succeeded against adversities in their glorious history.
— Imran Khan (@ImranKhanPTI) August 14, 2018
دوسری جانب تحریک انصاف کی سوشل میڈیا ٹیم نے ترکی زبان میں بھی ٹویٹ کیا ہے۔
اس سے قبل پی ٹی آئی چینی زبان میں بھی ٹویٹس کر چکی ہے اور چینی سفیر کی عمران خان سے ملاقات کی تفصیلات بھی چینی زبان میں جاری کی گئی تھیں۔