اسلام آباد: عمران خان کے وزیراعظم منتخب ہونے اور حلف برداری کے بعد انہیں عالمی رہنماؤں کی طرف سے خیر سگالی کے پیغامات اور مبارک باد دی جارہی ہے۔
اقوام متحدہ کے سیکرٹری جنرل انتونیوگوئٹرس نے بذریعہ خط نومنتخب وزیراعظم عمران خان کو مبارک باد دی ہے۔
سیکرٹری جنرل نے اپنے خط میں توقع کا اظہار کیا ہے کہ عمران خان کی قیادت میں پاکستان اور اقوام متحدہ کے درمیان تعاون مزید مضبوط ہو گا، انہوں نے کہا عالمی امن فوج میں پاکستان اقوام متحدہ کا سب سے قابل اعتماد شراکت دار ہے۔
سیکرٹری جنرل نے اپنی خواہش کا اظہار کرتے ہوئے خط میں لکھا کہ میں اقوام متحدہ کے جنرل اسمبلی کے اجلاس میں آپ سے ملاقات کا منتظر ہوں۔
عمران خان کے وزیراعظم منتخب ہونے پر ہمسایہ ملک چین کی جانب سے بھی خیر سگالی کے پیغام میں مبارک باد دی گئی ہے۔ چین کی جانب سے عمران خان کے پاک چین تعلقات پر مثبت تبصروں کی حمایت کرتے ہوئے کہا گیا ہے مستقبل میں دونوں ممالک کے درمیان تعلقات مزید بہتر ہوں گے۔
ہمسایہ ملک کی جانب سے نومنتخب وزیراعظم کے لیے خیرسگالی کے پیغام میں مزید دوستانہ، پیشہ ورانہ اور اقتصادی تعلقات کو فروغ دینے کی یقین دہانی بھی کرائی گئی ہے۔
ورلڈ بینک کے کنٹری ڈائریکٹر ایلانگو نے پاکستان کی پائیدار ترقی کا عظم دہراتے ہوئے وزیراعظم عمران خان کو مبارک باد دی اور کہا کہ ہم مستقبل میں نومنتخب وزیراعظم کے ساتھ کام کرنے کے لیے تیار ہیں۔
Congratulations #PrimeMinister @ImranKhanPTI. We look forward to working with you and reiterate our commitment towards sustainable #development for #Pakistan pic.twitter.com/zZ6yBBepmE
— Illango (@Illango_WB) August 18, 2018
ایران کے صدر حسن روحانی نے بھی منصب سنبھالنے پر وزیراعظم عمران خان کو مبارک باد دی۔ انہوں نے کہا کہ عمران خان کا انتخاب عوام کی بہادری کی علامت ہے اور ایران پاکستان کے ساتھ تعلقات کو فروغ دینا چاہتا ہے۔
برطانوی وزیراعظم تھریسا مے نے عمران خان کو وزیر اعظم پاکستان منتخب ہونے پر مبارک باد دی، ٹیلیفون پر گفتگو کرتے ہوئے انہوں نے کہا کہ ان کا ملک پاکستان کے ساتھ اشتراک عمل کی نئی راہیں کھولنے اورپاک برطانیہ تعلقات میں مزید بہتری اور سرگرمی لانے کیلئے تیار ہے، برطانیہ نئی حکومت سے تعاون کرے گا۔
Pleased to talk to @ImranKhanPTI, Prime Minister of Pakistan. The UK and Pakistan share deep and important links. There is plenty for our two countries to work together on, not least increasing bilateral trade and mutual security issues.
— Theresa May (@theresa_may) August 18, 2018
تحریک آزادی کشمیر کے رہنما میر واعظ عمر فاروق نے عمران خان کے لیے نیک خواہشات کا اظہار کرتے ہوئے کہا ہے کہ میں امید کرتا ہوں عمران خان قائد اعظم محمد علی جناح کے نظریے اور اپنے نئے پاکستان کے خواب کو پورا کریں گے۔ انہوں نے کہا کہ کشمیری عوام امید کرتی ہی عمران خان برصغیر کے طویل تنازعے کو ہمارے مؤقف کے مطابق حل کرنے میں اہم ذریعہ ثابت ہوں گے۔
Best wishes to @ImranKhanPTI on assuming the office of PM Pakistan.Hope & pray he is able to fulfil Jinnah Sahibs vision and his dream of Naya Pakistan.People of Kashmir also hope that Mr Khan is instrumental in the resolution of our long standing dispute &peace in subcontinent.
— Mirwaiz Umar Farooq (@MirwaizKashmir) August 18, 2018