راولپنڈی: فریضہ حج کی ادائیگی کے لیے سعودی عرب میں موجود پاکستان آرمی کے سربراہ جنرل قمر جاوید باجوہ سے سعودی ولی عہد شہزادہ محمد بن سلمان نے ملاقات کی ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور کے مطابق سعودی ولی عہد نے گذشتہ شب آرمی چیف جنرل قمر باجوہ کےاعزاز میں عشائیہ دیا۔ عشائیہ کے بعد آرمی چیف اور سعودی ولی عہد کے درمیان ملاقات بھی ہوئی ۔
سعودی ولی عہد نےجنرل قمر جاوید باجوہ کو حج کی ادائیگی پرمبارکباد پیش کی۔ ملاقات کے دوران دونوں شخصیات نے علاقائی سلامتی اور باہمی دلچسپی کےامور پر تبادلہ خیال کیا۔
Saudi Crown Prince, Mohammad Bin Salman invited Chief of Army Staff for a meeting followed by dinner at Mina last night. Saudi Crown Prince congratulated COAS on performing Hajj. Both discussed wide ranging issues of mutual interest including regional security (1 of 2).
— Maj Gen Asif Ghafoor (@OfficialDGISPR) August 22, 2018
سعودی ولی عہد نے اس امید کا اظہار کیا کہ پاکستان درپیش چیلنجز پر قابو پانے میں کامیاب ہو جائے گا۔ انہوں نے نئی پاکستانی حکومت کو بھرپور تعاون فراہم کرنے کا یقین دلاتے ہوئے نیک خواہشات کا اظہار کیا۔
جنرل قمر جاوید باجوہ نے پاکستان کے لیے نیک خواہشات کے اظہار اور تعاون کی یقین دہانی پر سعودی ولی عہد کا شکریہ ادا کیا۔
Prince Mohammad Bin Salman expressed his strong optimism about success of Pakistan in defeating challenges at hand. Crown Prince also expressed his best wishes & support to the newly elected government.
COAS thanked his highness for best wishes and support for Pakistan (2 of 2).— Maj Gen Asif Ghafoor (@OfficialDGISPR) August 22, 2018
اس سے پہلے آرمی چیف جنرل قمر جاوید باجوہ نے عید کے موقع پر اپنے پیغام میں افواج پاکستان کی طرف سے تمام پاکستانیوں کو عید کی مبارکباد دی تھی۔
آرمی چیف جنرل قمر جاوید باجوہ نے دعا کی تھی کہ اللہ تعالیٰ پاکستان کو امن اور خوشحالی عطا فرمائے۔
