اسلام آباد: بہادری، محبت اور بلند حوصلوں کی کہانی پر مبنی مومنہ اینڈ درید پروڈکشنز کی اردو فیچر فلم ’پرواز ہے جنوں‘ ریلیز ہوتے ہی شائقین کی بھرپور توجہ سمیٹنے میں کامیاب رہی ہے۔
پاکستان سمیت بیرون ملک مقیم شائقین نے بھی منفرد موضوع پر بنائی گئی فلم کو بے مثال قرار دیا ہے۔
شائقین کی جانب سے بھرپور پزیرائی حاصل کرنے والی ایکشن اور تھرل سے بھرپور اور مقصد کے حصول کے لیے سچی لگن پرمبنی فلم ’پرواز ہے جنوں‘ کی نمائش کامیابی سے جاری ہے۔
پاک فضائیہ کے پائلٹس کی تربیت کے سخت مراحل سے پیشہ ورانہ امور تک کی عکاسی کرتی فلم نے مقبولیت کے جھنڈے گاڑھ دیے ہیں۔
فلم پرواز ہے جنوں میں عوام کی دلچسپی کا اس بات سے اندازہ لگایا جا سکتا ہے کہ ریلیز کے پہلے ہی دن دو کروڑ 13 لاکھ روپے کا بزنس کیا۔
شائقین کی توجہ سماجی رابطوں کی ویب سائٹ پر بھی نمایاں ہیں تاہم عملی دلچسپی کا اندازہ لگانے کو یہ مثال ہی کافی ہے کہ فلم کی ریلیز کے ابتدائی گھنٹوں میں ہی آن لائن دس ہزار ٹکٹیں فروخت ہوئیں۔
فلم میں مرکزی کردار ادا کرنے والے حمزہ علی عباسی کے مطابق ’پرواز ہے جنوں‘ کی ہالی وڈ میں بھی تشہیر کی جارہی ہے۔
کینیڈین اور امریکی شہروں ٹورنٹو اور ہوسٹن کے کامیاب پریمئیرز کے بعد اب آج پیر کے روز دبئی میں بھی فلم کا پریمئیرشو منعقد کیا جائے گا۔ اس سے قبل لندن میں بھی ’پرواز ہے جنوں‘ کا پریمیئر منعقد کیا جا چکا ہے۔
#ParwaazHaiJunoon continues to shatter records at the box office!!! Watch it in cinemas near you. ✈️ ?
Book your tickets now on: https://t.co/OZZvPXQ907
#NoSpeedNoThrill #MnDFilms #HUMFilms #PakistanAirForce #HamzaAliAbbasi #ReachForTheSkies #AhadRazaMir #HaniaAamir pic.twitter.com/V5dCifJtX2
— Parwaaz Hai Junoon (@PHJthemovie) 26 August 2018
پاکستان کی چھوٹی اور بڑی اسکرین کے متعدد ستاروں سے سجی ’پرواز ہے جنوں‘ فرحت اشتیاق کے اسکرپٹ، حسیب احسن کی ہدایتکاری اور مومنہ درید کی پیشکش ہے۔