اسلام آباد: وزیراعظم عمران خان نے قومی احتساب بیورو(نیب) کی کارکردگی پر اطمینان کا اظہار کرتے ہوئے کہا ہے کہ بلا تفریق احتساب حکومت کی اولین ترجیح ہے۔
بدھ کے روز پرائم منسٹرہاؤس میں وزیر اعظم عمران خان سے چیئرمین نیب جسٹس (ر) جاوید اقبال اور معاون خصوصی برائے احتساب شہزاد اکبر نے ملاقات کی اور وزیر اعظم کو عہدہ سنبھالنے پر مبارکباد پیش کی۔
NAB chairman Justice (R) Javed Iqbal and Special Assistant on accountability Shahzad Akbar called on Prime Minister Imran Khan in PM secretariat today. pic.twitter.com/LJGIlWpeIv
— PTI (@PTIofficial) August 29, 2018
ملاقات کے دوران وزیراعظم نے اس عزم کا اظہار کیا کہ ملک سے کرپشن کا خاتمہ، شفافیت کا فروغ اور بدعنوان و کرپٹ عناصر کا بلا تفریق احتساب حکومت کی اولین ترجیح ہے۔
وزیراعظم نے چیئرمین نیب کو بتایا کہ حکومت ادارے کو مزید مضبوط بنانے اور استعداد کار بڑھانے کے لیے ہر ممکنہ تعاون فراہم کرنے کے لیے پرعزم ہے۔
