فٹنس کے لیے یہ چھ اصول اپنائیں

ورزش آپ کو آپ کی مرضی کے مطابق تنائج کیوں نہیں دے رہی؟ کڑا ڈائٹ پلان اپنانے اور اچھی ورزش کرنے کے باوجود بھی اگر آپ مطلوبہ نتائج حاصل نہیں کر پا رہے تواس کی وجوہات جاننے کی کوشش کریں۔

فٹنس حاصل کرنے کے لیے کچھ سنہری اصولوں پرعمل کر نا ضروری ہوتا ہے۔ آئیں جانیں کہ کیا آپ فٹنس کے ان اصولوں پر عمل کر رہے ہیں یا نہیں، اور اگر نہیں تو فٹ رہنے کے یہ چھ اصول اپنا کر خود کو مکمل فٹ اور تندرست رہ سکتے ہیں۔

منصوبہ بندی:
پہلے اپنا منصوبہ بنائیں جس میں مطلوبہ وقت سے لے کر آپ کی ورزش کا ٹائم اور کھانے پینے کے اوقات شامل ہوں۔ اس سے آپ کو ورزش کے اوقات برقرار رکھنے میں مدد ملے گی۔ پہلے سے بنے منصوبہ کے تحت آپ اپنے کھانے کے حساب سے بھی اس بات کا اندازہ لگا سکیں گے کہ آپ کو کس دن سخت ورزش کرنی ہے اور کس دن نہیں۔

مختلف انداز اپنائیں:
بعض اوقات آپ کو مطلوبہ نتائج نہ ملنے کی وجہ آپ کی وہی پرانی ورزش بھی ہو سکتی ہے جس کا آپ کا جسم عادی ہو چکا ہوتا ہے۔ اس سلسلے میں ضروری ہے کہ آپ اپنی ورزش میں مختلف انداز اپنائیں۔ نئے طریقوں سے آپ جلدی وزن کم کر سکتے ہیں۔

آرام کا دن بھی رکھیں:
اگر آپ صرف ورزش اور ڈائٹ کھانا ہی کھا رہے ہیں تو یہ بھی آپ کے لیے نقصان دہ ہے۔ اس طرح سے آپ کا جسم مطلوبہ غذائیت سے محروم رہتا ہے اور آپ کمزوری محسوس کر سکتے ہیں، اس لیے ہفتے میں ایک دن چھٹی لیں اور آرام کریں۔ اس دن ڈائٹ فوڈ کے بجائے نارمل خوراک کا استعمال کریں۔