سان فرانسسکو: جس طرح فیس بک وقتاً فوقتاً اپنی نیوز فیڈ کا الگورتھم تبدیل کرتا رہتا ہے بالکل اسی طرح ٹوئٹر نے بھی تبدیلی کا فیصلہ کر لیا ہے۔
ٹوئٹر انتظامیہ نے اعلان کیا ہے کہ وہ پرانی ٹائم لائن پھر سے واپس لا رہے ہیں۔ اب پہلے کی طرح تازہ ترین ٹویٹس سب سے اوپر نظر آئیں گی۔
5/ Meanwhile, today we updated the “Show the best Tweets first” setting. When off, you’ll only see Tweets from people you follow in reverse chronological order. Previously when turned off, you’d also see “In case you missed it” and recommended Tweets from people you don’t follow.
— Twitter Support (@TwitterSupport) September 17, 2018
اس سے قبل 2016 میں ٹوئٹر کی نئی ٹائم لائن متعارف کرائی گئی تھی جس میں صارف کی ٹائم لائن پر اس کا صرف پسندیدہ مواد اور اس سے متعلقہ ٹویٹس سب سے اوپر نظر آتی تھیں۔ اس فارمیٹ کے مطابق متعلقہ ٹویٹس کی یاد دہانی بھی کرائی جاتی ہے اور کسی بھی موضوع کے متعلق غیر متعلقہ افراد کی ٹویٹس بھی صارف کی ٹائم لائن پر نظر آتی ہیں۔
ٹوئٹر انتظامیہ کے مطابق صارفین کی شکایات کے بعد پرانا فارمیٹ بحال کرنے کا فیصلہ کیا گیا ہے۔
جن صارفین کو ٹوئٹر کا متعلقہ ٹویٹس والا فارمیٹ پسند ہے ان کے لیے ٹویٹر کی پلے لسٹ والی خصوصیت موجود ہے۔
ٹوئٹر کی پلے لسٹ والے فیچر میں صارف اپنی مرضی کے مواد کی پلے لسٹ بنا سکتا ہے جس میں اس کے منتخب کردہ افراد کی ٹویٹس ہی سامنے آتی ہیں۔ ان پلے لسٹوں کا صارف کی ٹائم لائن پر کوئی اثر نہیں ہوتا اور وہ ان لسٹوں میں ٹویٹس اور دیگر صارفین کا مواد بھی ترتیب دے سکتا ہے۔
4/ So, we’re working on providing you with an easily accessible way to switch between a timeline of Tweets that are most relevant for you and a timeline of the latest Tweets. You’ll see us test this in the coming weeks.
— Twitter Support (@TwitterSupport) September 17, 2018
ٹوئٹر کے مطابق اب صارف اپنی مرضی سے تازہ ترین یا متعلقہ مواد سب سے اوپر دیکھ سکتے ہیں۔