اسلام آباد: بھارتی آرمی چیف کی دھمکی پر پاکستان کی حزب مخالف کے رہنماؤں نے سخت ردعمل کا اظہار کیا ہے۔ اپوزیشن رہنماؤں نے خبردار کیا کہ انڈیا کسی غلط فہمی میں نہ رہے ان کے ناپاک عزائم خاک میں ملا دیں گے۔
اپوزیشن لیڈر اور صدر مسلم لیگ ن شہباز شریف کا کہنا ہے کہ پاکستان کو سبق سکھانے کی بات کرنے والے کسی خوش فہمی میں نہ رہیں، جارحیت مسلط کی گئی تو پوری قوم پاک فوج کے شانہ بشانہ ہو گی۔
The bellicose & irresponsible statement by the Indian Army Chief exposes the Indian designs to the world that should immediately take note of New Delhi's threatening posture. Pakistan extending an olive branch to India, should never be misconstrued as weakness.
— Shehbaz Sharif (@CMShehbaz) September 22, 2018
شہباز شریف نے مزید کہا کہ بھارت کواندرونی مسائل کا سامنا ہے،مودی سرکار اپنی پریشانی ہم پر مسلط کرنےکی کوشش نہ کرے۔
لیگی رہنما آصف کرمانی نے کہا کہ بھارتی افواج مقبوضہ کشمیر میں دہشت گردی میں ملوث ہیں، بھارت کے مکروہ عزائم کو خاک میں ملا دیں گے۔
ایم کیو ایم پاکستان کے ڈاکٹر فاروق ستار نے بپن راوت کے بیان کو غیر سنجیدہ قرار دیا۔ ان کا کہنا تھا کہ بیان جارحانہ عزائم کا ترجمان ہے۔ فاروق ستار نے خبر دار کیا کہ ہماری امن پسندی کو کمزوری نہ سمجھا جائے۔
جماعت اسلامی کے سربراہ سینیٹر سراج الحق نے اپنے ردعمل میں کہا کہ ہندوستان کے مقابلہ میں پوری قوم سیسہ پلائی دیوار ہے۔ پاکستان ایٹمی قوت ہے، دھمکیاں سوچ سمجھ کر دیں، جنگ ہوئی تو کسی کو پچھتانے کا موقع بھی نہیں ملے گا۔ عالمی ادارے شرانگیز بیان کا نوٹس لیں۔
ہندوستان کے مقابلے میں پوری قوم سیسہ پلائی دیوار ہے۔ پاکستان ایٹمی قوت ہے، دھمکیاں سوچ سمجھ کر دیں۔ جنگ ہوئی تو کسی کو پچھتانے کا موقع بھی نہیں ملے گا۔ عالمی ادارے ہندوستانی آرمی چیف کے شرانگیز بیان کا نوٹس لیں۔
— Siraj ul Haq (@SirajOfficial) September 22, 2018
ان کا کہنا تھا کہ کشمیر پر ہندوستان نے غاصبانہ قبضہ کیا ہوا ہے، ہر طرح کی ریاستی دہشت گردی اور معصوم بچوں، جوانوں کے قتل عام کے باوجود حریت پسند کشمیری قوم کو جھکایا نہیں جا سکا۔ آزادی کشمیر کا مقدر ہے، ہندوستان کو ایک دن قبضہ چھوڑنا پڑے گا۔
پیپلز پارٹی رہنما سینیٹر شیری رحمان نے کہا کہ مودی سرکار اپنے اندرونی بحران چھپانے کے لیے کمزور جواز پیش کر رہی ہے۔
اپنے ٹوئیٹر پیغام میں شیری رحمان کا کہنا تھا کہ مودی حکومت مقبوضہ کشمیر میں انسانی حقوق کی خلاف ورزیوں سے متعلق یواین رپورٹ پرگھبرائی ہوئی ہے، بھارت رافیل طیاروں کے معاہدے سے توجہ ہٹانا چاہتا ہے۔
So Modi Govt suddenly found Pk Govt “evil” over a stamp issued on 24July, and a Kashmir killing ruse. Weak diversion from 1) domestic crisis over #HollandeBombshell and #RafaelDeal; 2) anxiety over earlier @UN report and session where Delhi may have to defend Kashmir atrocities
— SenatorSherryRehman (@sherryrehman) September 22, 2018
پاک سر زمین پارٹی کے سربراہ مصطفیٰ کمال نے بھی بپن راوت کے بیان کی شدید الفاظ میں مذمت کی ہے۔
