انقرہ: اقوام متحدہ کے ادارہ برائے صحت نے کہا ہے کہ صحت کے شعبے میں ترکی کی کارکردگی قابل ستائش ہے، اسے جتنا سراہا جائے کم ہے۔
گزشتہ روزعالمی ادارہ صحت کی جانب سے غیر متعدی امراض کے خاتمے کے لیے کی جانے والی کوششوں پر ترکی کی وزارت صحت کو ایوارڈ سے نوازا گیا۔
نیویارک میں ہونے والی تقریب میں عالمی ادارہ صحت کے ڈائریکٹر جنرل نیڈروس ادھنوم گیبریس نے ترک صدر طیب ایردوان کو ایوارڈ پیش کیا۔ اس موقع پر ترک وزیر صحت بھی موجود تھے۔
Today I met with President @RT_Erdogan of #Turkey and presented him with an award from the @UN Interagency Taskforce on the prevention and control of noncommunicable diseases. Turkey has made an outstanding contribution towards the NCD-related #GlobalGoals. It’s time to #beatNCDs pic.twitter.com/R4Y2bA5bvQ
— Tedros Adhanom Ghebreyesus @ #UNGA (@DrTedros) September 25, 2018
غیر متعدی امراض کا خاتمہ اقوام متحدہ کے عالمی ترقیاتی اہداف میں بھی شامل ہے۔ ان امراض کا خاتمہ علاج کے ذریعے تو ممکن نہیں ہو پایا تاہم ان کی روک تھام کی جا سکتی ہے۔ عالمی ادارہ صحت کی 2017 کی سالانہ رپورٹ کے مطابق غیر متعدی امراض اکیسویں صدی میں عالمی صحت کے راستے میں سب سے بڑی رکاوٹ ہے۔
عالمی ادارہ صحت کی 2017 کی رپورٹ کے مطابق غیر متعدی امراض دنیا بھر میں ڈیڑھ کڑور افراد کی اموات کا ذمہ دار رہیں۔ ان افراد کی عمریں 30 سے 70 کے درمیان تھی۔ یہ اعداد و شمار پوری دنیا سے اکٹھے کیے گئے تاہم کم آمدنی والے ممالک میں خاص طور پر اس مسئلے میں شدت دیکھی گئی۔ ان ممالک میں تقریبا آدھی اموات غیرمتعدی امراض کی وجہ سے ہوئیں۔
Non-communicable diseases (#NCDs) such as stroke, heart disease, diabetes, and cancer account for over 70% of all deaths. Register now to receive our #LancetNCDs newsletter in the lead up to the 3rd #UNHLM on #NCDs and beyond https://t.co/ifsbgu1K9s pic.twitter.com/vkwRSQmeCc
— The Lancet (@TheLancet) September 21, 2018
گلوبل ڈیویلپمنٹ گولز کے مطابق اقوام متحدہ غیرمتعدی امراض کے مسئلہ پر 2030 تک قابو پانا چاہتی ہے۔ زیادہ تر ممالک میں اس مسئلے پر ترقی کی رفتار بہت کم ہے۔ 10 فیصد مملک میں ترقی کی رفتار ایک جگہ پر رکی ہوئی ہے۔ اب تک غیر متعدی امراض پر قابو پانے میں واضح اقدامات جنوبی کوریا، چیک رپبلک، ڈنمارک، مشرقی تیمور اور نیوزی لینڈ میں دیکھے گئے۔
