اسلام آباد: وزیرخارجہ شاہ محمودقریشی سے امریکہ کے نمائندہ خصوصی برائے افغان مفاہمتی عمل زلمے خلیل زاد نے ملاقات کی۔ دونوں رہنماؤں نے افغان مسئلے کے حل کے لیے تعاون پر اتفاق کیا۔
دفتر خارجہ کی جانب سے جاری بیان کے مطابق زلمے خلیل زاد نے وزیر خارجہ کو اپنے دورہ کابل کے حوالے سے آگاہ کیا اور مستقبل میں بھی تعاون کی یقین دہانی کرائی۔
FS and Zalmay Khalilzad meeting in MOFA today pic.twitter.com/gwf5ZGIbLr
— Dr Mohammad Faisal (@DrMFaisal) October 9, 2018
شاہ محمود قریشی کا کہنا تھا کہ پاکستان، افغانستان میں قیام امن کے لیے امریکی کاوشوں کا خیر مقدم کرتا ہے، انہوں نے کہا کہ افغان تنازع کے سیاسی حل کے لیے پاکستان بھرپور کردار ادا کرتا رہا ہے اور کرتا رہے گا۔
اس سے قبل امریکی نمائندہ خصوصی وفد کے ہمراہ دفتر خارجہ پہنچے تو سیکرٹری خارجہ تہمینہ جنجوعہ نے ان کا استقبال کیا، دونوں ممالک میں وفود کی سطح پر بھی مذاکرات ہوئے جس میں دفاع اور سیکیورٹی سے متعلق مسائل پر تبادلہ خیال کیا گیا۔
Zalmay Khalilzad calls on the Foreign Secretary at MOFA today pic.twitter.com/kj8baXDc3Z
— Dr Mohammad Faisal (@DrMFaisal) October 9, 2018