اسلام آباد: پاکستانی فاسٹ بولر محمد عباس نے آسٹریلیا کے خلاف شاندار بولنگ کا مظاہرہ کرکے شائقین اور بین الاقوامی کھلاڑیوں کو اپنا گرویدہ بنا لیا ہے۔
جنوبی افریقی فاسٹ بولر ڈیل اسٹین نے محمد عباس کو مستقبل کا نمبرون ٹیسٹ بولر قرار دے دیا ہے۔
انہوں نے اپنے ٹویٹ میں کہا کہ محمد عباس میں انہیں مستقبل کا نمبر ون ٹیسٹ بولر نظر آرہا ہے۔
I see a new number 1 Test bowler coming… Mohammad Abbas
— Dale Steyn (@DaleSteyn62) October 19, 2018
سابق بھارتی ٹیسٹ کرکٹر محمد کیف نے بھی محمد عباس کو ایک باصلاحیت بالر قرار دیتے ہوئے کہا کہ پاکستان کے پاس ہمیشہ ایک زبردست فاسٹ بولر ہوتا ہے، بے شک محمد عباس ایک بہت ہی باصلاحیت بولر نظرآرہے ہیں۔
Pakistan have as always unearthed a special fast bowler. Mohammad Abbas looks an unbelievably talented bowler.
— Mohammad Kaif (@MohammadKaif) October 19, 2018
سماجی رابطوں کی ویب سائٹ ٹوئٹر پر کرکٹ تجزیہ کار ساج صادق نے محمد عباس سے متعلق لکھا ہے کہ محمد عباس دبئی میں 9 وکٹیں حاصل کرنے والے پہلے فاسٹ بولر بن گئے ہیں۔ اس سے پہلے یہ اعزاز جنید خان کے پاس تھا جس نے 2013 میں 151 رنز دے کر 8 کھلاڑی آؤٹ کیے تھے۔
Mohammad Abbas has become the first pace bowler to take 9 wickets in a Test match in UAE. Previous best was 8 wickets for 151 runs by Junaid Khan against Sri Lanka in 2013 #PAKvAUS #Cricket
— Saj Sadiq (@Saj_PakPassion) October 19, 2018
انٹرنیشنل کرکٹ کونسل(آئی سی سی) نے حال ہی میں جاری کردہ رینکنگ میں محمدعباس کو 20 بہترین بالرز کی فہرست میں شامل کرتے ہوئے 13 ویں نمبر پر رکھا ہے۔
محمد عباس نے پاکستان اور آسٹریلیا کے درمیان جاری دوسرے ٹیسٹ کی پہلی اننگز میں 33 رنز کے عوض پانچ کھلاڑیوں کو آؤٹ کیا تھا جس کے سبب حریف ٹیم 145 اسکور پر ڈھیر ہوگئی تھی۔
آسٹریلیا کے خلاف پہلے ٹیسٹ کے چوتھے روز بھی محمد عباس نے سات گیندوں پر تین وکٹیں حاصل کی تھیں اور گیارہ اوورز میں 26 رنز دیے تھے۔
فاسٹ بالر محمد عباس کی تباہ کن بالنگ نے دوسرے ٹیسٹ میں بھی آسٹریلیا کو تباہی کے دہانے پر پہنچایا۔