ابو ظہبی ٹیسٹ دلچسپ مرحلے کے بعد اختتام پذیر ہو گیا، نیوزی لینڈ نے پاکستان کو پہلے ٹیسٹ میچ میں چار رنز سے شکست دے دی تاہم اظہر علی کی جانب سے 65 رنز کی مزاحمت بھی قومی ٹیم کے کام نہ آئی۔
شکست کے بعد سابق پاکستانی کھلاڑی ،صحافی حضرات اور پاکستانی شائقین کرکٹ سوشل میڈیا پر ا پنے غم و غصے کا اظہارکرتے ہوئے نظر آ رہے ہیں اور سوشل میڈیا پر پیغامات کے علاوہ میمز کے ذریعے قومی ٹیم کے کھلاڑیوں کا مذاق بھی اڑا رہے ہیں۔
قومی ٹیم کے بھارتی فین نے قومی ٹیم کے کوچ مکی آرتھر کے حوالے سے دلچسپ پیغام میں کہا ہے کہ
پاکستانی ٹیم نے مکی آرتھر کو سکھایا کہ خوشی کیا ہوتی ہے،
پاکستانی ٹیم نے مکی آرتھر کو سکھایا کہ صبر کیا ہوتا ہے،
پاکستانی ٹیم نے مکی آرتھر کو سکھایا کہ درد کیا ہوتا ہے۔
اظہر علی کے فین نے ان کی افسردہ تصویر پر رد عمل دیتے ہوئے کہا کہ اپنا سر اوپر رکھیں، بے شک آپ نے میچ جیتنے کی پوری کوشش کی۔
ایک اور فین نے ٹویئٹ کرتے ہوئے کہا کہ میرے بال گرنے کی وجہ پاکستان کرکٹ ٹیم ہے،
پاکستان کرکٹ ٹیم کے سابق کپتان شاہد آفریدی نےکیویز کے ہاتھوں پاکستان کی شکست پر پیغام جاری کرتے ہوئے نیوزی لینڈ کو مبارک باد پیش کی ہے ۔
Great game of cricket. Test match cricket is a fascinating format. Congratulations New Zealand on a remarkable win! Well fought Pakistan, IA the team will bounce back from here.
Well done hassan ali and Yasir Shah, great bowling!— Shahid Afridi (@SAfridiOfficial) November 19, 2018
میچ کےنتیجےکے بعد سماجی رابطے کی ویب سائٹ ٹوئٹر پر شاہد آفریدی نے پیغام جاری کرتے ہوئے کہا کہ ” کرکٹ کا شاندار کھیل، ٹیسٹ میچ سب سے زبردست فارمیٹ ہے، نیوزی لینڈ کو شاندار جیت پر مبارک باد دیتے ہیں اور پاکستان نے بھی بہترین کوشش کی۔ ان کا کہنا تھا کہ انشاءاللہ پاکستانی ٹیم دوبارہ واپس آ ئے گی، شاہد آفریدی نے حسن علی اور یاسر شاہ کی کارکردگی کو سراہتے ہوئے کہا کہ دونوں نے شاندار گیند بازی کی ۔
If Imran Khan was captain of this team, he would have dropped couple of players for playing reckless shots in an intense chase. Absolute shocker by Pakistan in Abu Dhabi. Even worse than Sydney 2010. #PakvNZ
— Mazher Arshad (@MazherArshad) November 19, 2018
ممتاز کرکٹ صحافی مظہر ارشد نے کہا کہ اگر عمران خان اس قومی کرکٹ ٹیم کے کپتان ہوتے تو یقیناٰ وہ دو سے تین قومی کھلاڑیوں کو برا شاٹ مار کر آؤٹ ہونے پر ٹیم سے نکال دیتے۔ قومی ٹیم کی جانب سے ابو ظہبی ٹیسٹ کی کارکردگی مضحکہ خیز تھی جو کی 2010 میں ہونے والے سڈنی ٹیسٹ میں شکست سے بھی بری رہی۔