اسلام آباد: قومی اسمبلی کے ڈپٹی اسپیکر قاسم سوری نے کہا ہے کہ اپوزیشن نے میرے خلاف تحریک عدم اعتماد واپس لے لی ہے۔
اپوزیشن نے ڈپٹی اسپیکر کیخلاف تحریک عدم اعتماد مشروط کر دی
ہم نیوز کے مطابق ذرائع ابلاغ سے بات چیت میں قاسم سوری نے دعویٰ کیا کہ اپوزیشن کو میرے خلاف تحریک عدم اعتماد میں منہ کی کھانی پڑی ہے۔ انہوں نے کہا کہ اپوزیشن اپنے نمبرز پورے نہ ہونے کی وجہ سے بھاگ گئی ہے۔
قومی اسمبلی کے ڈپٹی اسپیکرقاسم سوری نے کہا کہ اپوزیشن نے 2019 میں بھی میرے خلاف تحریک اعتماد کی ناکام کوشش کی تھی۔ انہوں ںے کہا کہ اس وقت بھی اپوزیشن کے پاس نمبرز پورے نہیں ہوئے تھے۔
ڈپٹی اسپیکر کیخلاف تحریک عدم اعتماد کل پیش ہو گی
قاسم سوری نے کہا کہ اپوزیشن کے پاس اتنےلوگ ہی نہیں ہیں کہ میرے خلاف تحریک عدم اعتماد کامیاب کراسکے۔ انہوں ںے کہا کہ اپوزیشن نے پہلے سے دستخط شدہ فہرست لگا کرتحریک عدم اعتماد جمع کرائی تھی۔
