کترینہ کیف کی شادی، سلمان خان کے والد بھی بول پڑے

بالی ووڈ کی باربی ڈول کترینہ کیف کی وکی کوشل کے ساتھ شادی کی خبروں پر دبنگ خان سلمان خان کے والد سلیم خان بھی بول پڑے۔

بھارتی میڈیا کے مطابق ایک صحافی نے سلیم خان سے کترینہ کیف کی شادی سے متعلق سوال پوچھا جس پر انہوں سخت ناگواری کا اظہار کیا۔

انہوں نے کہا کہ اس پر کیا بات کی جائے؟ میڈیا کے پاس بات کرنے کے لیے صرف ایسے ہی مسائل رہ گئے ہیں۔

دوسری جانب بھارتی میڈیا ک مطابق سلمان خان اداکارہ کترینہ کیف کی شادی میں شرکت نہیں کریں گے۔

سلمان خان اپنے مصروف ترین شیڈول کے باعث اداکارہ کترینہ کیف کی شادی میں شرکت نہیں کر سکیں گے۔

بھارتی میڈیا پر ان دنوں بالی وڈ اداکارہ کترینہ کیف کی اداکار وکی کوشل سے شادی کے چرچے ہیں لیکن سلمان خان اپنی مصروفیت کی وجہ سے شادی میں شریک نہیں ہو سکیں گے۔

کترینہ کیف شادی پر مہنگی ترین مہندی لگائیں گی

کترینہ کیف کی شادی میں شرکت کے حوالے سے تاحال اداکار سلمان خان کی طرف سے کوئی بیان سامنے نہیں آیا ہے۔

کترینہ کیف کی شادی میں شرکت کے لیے سلمان خان اور ان کے اہلخانہ کو سب سے پہلے دعوت نامہ موصول ہو گیا تھا تاہم یہ بھی خبریں زیرگردش ہیں کہ سلمان خان کے خاندان سے کچھ افراد کو تاحال شادی کا دعوت نامہ موصول نہیں ہوا۔ جن میں سلمان خان کے بھائی ارباز خان اور ان کی بہن الویرا خان بھی شامل ہیں۔

واضح رہے کہ کترینہ کیف اور وکی کوشل کی جانب سے اب تک شادی کے حوالے سے کوئی اعلان نہیں کیا گیا ہے تاہم بھارتی میڈیا نے دعویٰ کیا ہے کہ کترینہ کیف اور وکی کوشل کی شادی کی تیاریاں راجستھان کے رائل سکس سینسز فورٹ ہوٹل میں جاری ہے۔

کترینہ کیف کی شادی کی تقریب 7 سے 12 دسمبر تک جاری رہیں گی جبکہ شادی کے لیے ہوٹل میں بکنگ بھی کرا لی گئی ہے۔

متعلقہ خبریں