نئی دہلی: بھارتی میں ڈاکٹرز نے مریض کے گردے سے 156 پتھریاں نکال لیں۔
بھارتی میڈیا کے مطابق بھارتی ریاست تلنگانہ میں ڈاکٹرز نے 3 گھنٹے کا طویل آپریشن کر کے 50 سالہ مریض کے گردے سے 156 پتھریاں نکال لیں۔ مریض گردے میں درد کی تکلیف کے ساتھ سرکاری اسپتال پہنچا تاہم ڈاکٹرز نے اسے پین کلر ادویات دے کر فارغ کر دیا تاہم مریض کو 2 روز بعد پھر درد کی شکایت ہوئی۔
دوبارہ درد کی تکلیف لیے مریض پھر اسپتال پہنچا تو ڈاکٹر نے اس کا الٹرا ساؤنڈ کروایا جس میں گردے میں پتھریاں سامنے آئیں۔
ڈاکٹرز نے گردے میں پتھریاں سامنے آنے پر آپریشن کرنے کا فیصلہ کیا اور 3 گھنٹے کے طویل آپریشن کے بعد مریض کے گردے سے 156 پتھریاں نکال لیں۔
یہ بھی پڑھیں: 25 سال قبل مرنے والے شخص کا دوبارہ زندہ کرنے کا مطالبہ کر دیا
ڈاکٹرز کا کہنا تھا کہ تاریخ میں شاید پہلی مرتبہ کسی بھی مریض کے گردے سے اتنی زیادہ تعداد میں پتھریاں نکلی ہیں لیکن حیرانگی کی بات یہ ہے کہ مریض کی طبیعت زیادہ خراب نہیں تھی اور وہ ان پتھریوں کے ساتھ زندگی گزار رہا تھا۔
مریض کرناٹکا ہوبلی کے ایک اسکول میں معلم کے فرائض سرانجام دے رہے ہیں اور گزشتہ کئی سال سے انہیں پیٹ میں درد کی شکایت تھی۔
