آرمی چیف جنرل قمرجاوید باجوہ سے آسٹریلین ہائی کمشنر جیفری شا نے الوداعی ملاقات کی ہے،سپہ سالار نے افغانستان میں بڑھتے انسانی بحران کو روکنے کےلیے مخلصانہ کوششوں اور امن ومفاہمت کے اقدامات کی اہمیت پر زور دیا۔
آئی ایس پی آر کے مطابق ملاقات میں باہمی دلچسپی کے امور،خطے کی سیکیورٹی صورتحال اور دونوں ملکوں کے درمیان دوطرفہ تعاون پر بھی بات چیت ہوئی۔
آئی ایس پی آر کے مطابق آرمی چیف جنرل قمر جاوید باجوہ نے پاکستان میں خدمات انجام دینے پرآسٹریلین ہائی کمشنر سے اظہارتشکرکرتے ہوئے دونوں ممالک کے درمیان مضبوط تعلقات کو فروغ دینے میں ان کے تعاون کوسراہا۔
یہ بھی پڑھیں: الیکشن کمیشن ای وی ایم مانگتا ہے خصوصیات نہیں بتاتا، شبلی فراز
آسٹریلوی ہائی کمشنر جیفری شا نے افغان صورتحال میں پاکستان کی کوششوں کی تعریف کی، انہوں نے پاکستان اورآسٹریلیا کے درمیان بہتر تعلقات کے لیے کام جاری رکھنے کےعزم کا اظہارکیا۔
