تھینک یو عمران خان ، بل گیٹس

مائیکرو سافٹ کے بانی بِل گیٹس کا کہناہے کہ پاکستان میں پولیو کے خاتمے کے لیے کیے جانے والے اقدامات پر نتیجہ خیز بات چیت کے لیے وزیراعظم عمران خان کا شکریہ ادا کرتا ہوں۔

پاکستان سے جانے کے بعد ٹوئٹر پیغام میں بِل گیٹس نے لکھا کہ ملک سے پولیو کے خاتمے کے عزم کی حوصلہ افزائی کرتا ہوں۔ اور پُر امید ہوں کہ اگر ہر کوئی چوکنا اور ہوشیار رہے تو ہم پولیو کا خاتمہ کرسکتے ہیں۔

Thank you @ImranKhanPTI for the productive discussions on the steps being taken in Pakistan to eliminate polio. I’m encouraged by the country’s commitment to eradication and am optimistic that if everyone remains vigilant, we can #endpolio. pic.twitter.com/cMAw3ZfDxr

— Bill Gates (@BillGates) February 17, 2022

گزشتہ روز اسلام آباد میں بل گیٹس کو ہلال پاکستان ایوارڈ دینے کی تقریب منعقد کی گئی، صدر مملکت عارف علوی نے بل گیٹس کو ہلال پاکستان ایوارڈ سے نوازا۔

وزیراعظم عمران خان، صدر مملکت عارف علوی اور وفاقی وزرا تقریب میں شریک تھے۔ تقریب کا آغاز تلاوت قرآن پاک سے کیا گیا، جس بعد مائیکروسافٹ کے بانی کو خصوصی اعزاز سے نوازا گیا۔

یہ بھی پڑھیں: بل گیٹس کو ہلال پاکستان کے اعزاز سے نواز دیا گیا

یاد رہے پاکستان کے دورہ کے دوران  وزیراعظم عمران خان سے مائیکروسافٹ کے بانی بل گیٹس نے ملاقات کی جس میں پولیو کے خاتمہ اور دوسرے اہم موضوعات پرتبادلہ خیال کیا گیا۔ بل گیٹس نے این سی اوسی ہیڈکوارٹرز کا دورہ بھی کیا۔

بل گیٹس نے سمارٹ اورمائیکروسمارٹ لاک ڈائون حکمت عملی سمیت دیگراقدامات کوسراہا۔ بل گیٹس نے کورونا اور ویکسینیشن مہم پرخیالات کا اظہار کیا۔ وفاقی وزیراسدعمرنے بل گیٹس اورانکی فاؤنڈیشن کورنا وباء میں اقدامات کی حمایت کرنے کا شکریہ ادا کی۔