پانچویں ٹی ٹوئنٹی میچ میں پاکستان نے انگلینڈ کو سنسنی خیز مقابلے کے بعد 5 رنز سے شکست دے دی۔
قذافی اسٹیڈیم میں کھیلے گئے میچ میں انگلینڈ کی ٹیم پاکستان کی جانب سے دیا گیا 146 رنز کا ہدف حاصل کرنے میں ناکام رہی اور مقررہ اوورز میں 5 وکٹوں کے نقصان پر 139 رنز تک محدود رہی۔
قومی ٹیم کی جانب سے حارث روف نے2 کھلاڑیوں کو آوٹ کیا جب کہ محمد نواز،وسیم جونیئر،افتخار احمد اور عامر جمال نےایک،ایک وکٹ حاصل کی۔
انگلینڈ کی جانب سے کپتان معین 51 جب کہ ڈیوڈ مالان 36 رنز کے ساتھ نمایاں رہے۔قومی ٹیم کو سات میچوں پر مشتمل سیریز میں تین دو کی برتری حاصل ہو گئی ہے۔
اس سے پہلے انگلینڈ نے پاکستان کے خلاف ٹاس جیت کر فیلڈنگ کا فیصلہ کیا۔
قومی ٹیم کی جانب سوائے رضوان کے کوئی بھی بیٹر بڑی باری کھیلنے میں کامیاب نہ ہو سکا، رضوان نے 63 رنز کی اننگز کھیلی۔ ان کے علاوہ افتخار 15 رنز کے ساتھ نمایاں رہے۔
قومی ٹیم کے7 کھلاڑی ڈبل فگر میں بھی داخل نہ ہو سکے۔ انگلینڈ کی جانب سے مارک ووڈ تین جب کہ ڈیوڈ ویلی اور کرن نے دو دو کھلاڑیوں کو آؤٹ کیا۔
ٹاس و ٹیمیں
ٹاس کے بعد گفتگو کرتے ہوئے قومی ٹیم کے کپتان بابراعظم نے کہا کہ وہ ٹاس جیت کر پہلے بولنگ کا ہی فیصلہ کرتے۔
انہوں نے کہا کہ چار ٹی ٹوئنٹی میچوں کے دوران کافی مثبت چیزیں ہوئی ہیں، ہمارا مڈل آرڈر اچھی بلے بازی کر رہا ہے۔
پاکستان
3️⃣ changes to our playing XI today 👇#PAKvENG | #UKSePK pic.twitter.com/lPwhovFxFR
— Pakistan Cricket (@TheRealPCB) September 28, 2022
انگلینڈ
We bowl first in Lahore!
— England Cricket (@englandcricket) September 28, 2022
