اسلام آباد: ہم نیوز پر خاتون اول بشریٰ بی بی کا پہلا انٹرویو سوشل میڈیا پر تبصروں کا اہم موضوع بن گیا ہے۔
عمران خان کی اہلیہ کا انٹرویو ہم نیوز کے پروگرام ’ندیم ملک لائیو‘ میں گزشتہ رات نشر کیا گیا تھا۔
انٹرویو شروع ہونے کے کچھ ہی دیر میں خاتون اول بشری بی بی ٹوئٹر پر ٹاپ ٹرینڈ بن گئی تھیں۔ سماجی رابطوں کی ویب سائٹس پر کسی نے ان کی گفتگو کے انداز کو سراہا تو کسی نے دوٹوک جواب پسند کیے، کچھ ایسے صارفین بھی تھے جنہوں نے ذرا چھبتے ہوئے سوالات کیے۔
ایک ٹوئٹر صارف اقصی زہرہ کا کہنا تھا کہ بشری بی بی تمام لڑکیوں کے لیے مثال ہیں، وہ پر اعتماد اور ہر معاملے پر اچھا بولتی ہیں، عمران خان بہت خوش نصیب ہیں کہ انہیں خاتون اول جیسی زوجہ ملی۔
#BushraBibi has set an example for all the girls quite honestly. Love how well spoken and graceful she is. Imran Khan is very lucky to have her. MashaAllah.
— Aqse Zahra (@Aqseyy) September 27, 2018
ٹوئٹر صارف لبنیٰ نے عمران خان کی اہلیہ کے کردار کو سراہا۔ ان کا کہنا تھا کہ بشری بی بی ایک رول ماڈل ہیں کہ کیسے وہ اپنی شخصیت کی نمائش کیے بغیر معاشرے میں اپنا کردار ادا کرتے ہوئے لوگوں کی مدد کر رہی ہیں۔
‘By reducing a woman’s worth down to her appearance, we slyly diminish her role & her value as a contributor to society.’ Thank you #BushraBibi for helping those elderly, disabled, needy folk and may you continue to prove that a woman is more than just a piece of cloth.
— LubNaa (@LubnaSabir1) September 27, 2018
عمران خان کی اہلیہ نے ہم نیوز کو دیئے گئے انٹرویو میں گفتگو کرتے ہوئے عمران خان کو محض سیاستدان کے بجائے قوم کا رہنما قرار دیا تھا۔
ان کا کہنا تھا کہ عمران خان انتہائی سادہ انسان ہیں، کائنات میں انہیں کسی چیز کا لالچ نہیں۔ بشری بی بی کا کہنا تھا کہ پاکستان میں تبدیلی صرف عمران خان ہی لا سکتے ہیں، مگر تبدیلی آنے میں وقت لگتا ہے۔
مسز عمران خان کے منتخب وزیر اعظم کے بارے میں خیالات سن کر ٹویٹر پرعمران خان کے چاہنے والوں نے لکھا کہ خاتون اول کے انٹرویو کے بعد ان کے دلوں میں کپتان کے لیے اور عقیدت پیدا ہوگئی ہے۔
انٹرویو کے دوران اپنے حجاب اور پردے کا دفاع کرتے ہوئے وزیر اعظم کی اہلیہ نے کئی لوگوں کو متاثر کیا، بشری بی بی کا کہنا تھا کہ ’پردہ میرا انتخاب اور میرا ذاتی معاملہ ہے جس نے نہیں کرنا وہ نہ کرے‘۔ خاتون اول کے اس جواب کو لوگوں نے خوب سراہا اور بشری مانیکا کو کھلے ذہن کی عورت قرار دیا۔
Wife of Imran Khan Bushra manika said “Parda mera zaati mamla hai, jisne ni krna wo na kre”.
Where are DESI FEMINISTS? what a befitting reply by bushra Bibi. Also hijab makes a woman more beautiful bcz its Sunnah of HAZRAT KHADIJA n HAZRAT FATIMA (R.A)❤ #bushrabibi— Ambreen Riaz ?? (@itx_Ambreen) September 27, 2018
ہم نیوز پر خاتون اول کے انٹرویو میں جہاں عمران خان کی اہلیہ نے لوگوں کو متاثر کیا وہی کچھ لوگوں نے تنقیدی تبصرے بھی کیے۔
معروف فلم ڈائریکٹر اشعر عظیم گل نے بشری بی بی کی تعلیمی قابلیت پر سوال اٹھایا۔ کچھ صارفین عمران خان کے پالتو جانوروں کے حوالے سے خاتون اول کی گفتگو پر تنقید کرتے نظر آئے۔
Having watched her interview I am not clear, what is the education of our first lady?#BushraBibi
— Asher Azeem Gill (@ashirazeemgill) September 28, 2018
عمران خان کی اہلیہ نے اپنے انٹرویو کے دوران واضح طور پر کہا کہ وہ عبادت میں مشغول رہتی تھیں، عمران خان کے ساتھ نے انہیں انسانوں کے کام آنا بھی سکھایا ہے۔
ہم نیوز کو دیے گئے خاتون اول کے انٹرویو اور اس کے مندرجات کو پاکستان کے تمام اخبارات اور ویب سائٹس نے بھی نمایاں کوریج دی ہے۔
